Џафери се сретна со потпретседателката на германскиот Бундестаг: Сојузна Република Германија е наш силен поддржувач

Последни новости

Facebook
Twitter
LinkedIn

На денешната средба со потпретседателката на германскиот Бундестаг, Ајдан Озогуз, претседателот на Собранието на Република Северна Македонија, Талат Џафери, изрази задоволство од оваа посета на наши пријатели од Бундестагот и истакна дека оваа посета е знак на континуираниот германски интерес за унапредување на соработката на сите нивоа, вклучително и на парламентарно ниво.

„Сојузна Република Германија е наш силен поддржувач“, нагласи претседателот Џафери, „особено на нашиот пат кон евроинтеграциите и се надевам дека овој континуитет на интензивната соработка ќе продолжи и понатаму“.

Тој ја истакна нашата определба во рамките на НАТО алијансата рамноправно да учествуваме во сите активности со нашите партнери, вклучително и во контекст на Украина каде сме активно вклучени во обезбедувањето на помош за потребите на украинските институции.

„Целосно сме приклучени и на ЕУ во однос на наметнувањето на санкции на Руската Федерација“.

Претседателот Џафери потврди дека и понатака ќе продолжи поддршката што ја дава Собранието на ИПС програмата во чии рамки стипендистите кои престојуваат во Германскиот Бундестаг на обука и стажирање, одреден период поминуваат на пракса и во нашето Собрание.

Потпретседателката на германскиот Бундестаг, Ајдан Озогуз, изрази благодарност за оваа посета на нашиот законодавен дом и задоволство од позитивниот однос кон продолжување на поддршката на ИПС програмата. Се задржа и на моменталната ситуација на безбедносен план на Европскиот континент и во светот и изрази очекување за сите заедно во обединета Европа да го надминеме овој период на поделен континент. Истакна дека Германија силно ја подржува нашата земја за отпочнување на преговорите со ЕУ и дека верува дека и соседна Бугарија ќе ги преиспита своите чекори и одлуки.

На средбата се разменија мислења и околу застапеноста и перцепцијата на младите во политиката, како и за родовата застапеност и баланс, односно, учеството на жените во политиката и беше позитивно изненадена од нашето законско уредување на ова прашање кое го надминува и е над европскиот просек.

На крај, двајцата соговорници изразија согласност дека взаемната интензивна политичка комуникација ќе продолжи да се развива и во иднина.

Текстот Џафери се сретна со потпретседателката на германскиот Бундестаг: Сојузна Република Германија е наш силен поддржувач е превземен од МАКФАКС.

Facebook
Twitter
LinkedIn