Српскиот тенисер Новак Ѓоковиќ стана единствениот во историјата кој има процент на победи од најмалку 80 отсто на сите три подлоги, во сала и на отворено.
Со пет победи во „Берси“, на Мастерсот во Париз, Ѓоковиќ ја достигна токму таа граница во затворен простор и стана првиот човек во Опен ерата кој успеал да искомбинира ваква постојаност во споменатите пет категории.
Ѓоковиќ во француската престолнина пристигна со 187 победи и 48 порази во затворени сали, што е процент на успешност од 79,6 отсто. Со победите над Ечевери, Грикспор, Руне, Рублев и Димитров успеа да дојде до 80 проценти и да ја освои титулата.
Неколку тенисери се подобри од него во сала како Бјорн Борг (80,6), Роџер Федерер (81), Џими Конорс (81,6), Иван Лендл (83) и Џон Мекинро (85,3), но Ѓоковиќ е единствениот кој има успешност од 80 отсто во сала и на отворено, како и на сите три подлоги поединечно.
Покрај гореспоменатите 80 проценти во сала, следниот „најлош“ резултат на Ѓоковиќ е на земјена подлога (80,4), проследен со голем скок кога станува збор за натпреварите на отворено (84,5), бетон (84,9) и трева (85,8).
Четворица тенисери имаат 80 проценти или повеќе во четири од тие пет категории. На Борг му недостига успех на бетон, Конорс на земјена подлога како и на Федерер, а Лендл на трева.
Дополнително, Ѓоковиќ претходно има најголем процент на победи во кариерата со 83,7 проценти (1.082-211) пред Рафаел Надал (82,9).
Пред Ѓоковиќ е завршниот турнир во Торино, каде може да ја освои рекордната седма титула и по осми пат да ја заврши годината на врвот на АТП листата.
Новак Ѓоковиќ>
Бетон (688-122)
Зeмја (270-66)
Трева (115-19)
На отворено (890-163)
Во сала (192-48)
Текстот Ѓоковиќ е најкомплетниот тенисер на сите времиња е превземен од МАКФАКС.
