„Градоначалникот Стевчо Јакимовски против правно потпишал одобрение за спорната парцела на која е вцртана 28 катница. Овој акт претставува груба злоупотреба на службената положба и овластување, со тоа што Советот на Општина Карпош лани изгласа одлука за задолжување на градоначалникот и на Општината да запрат со издавање градежни дозволи, за забрана за започнување градба и спроведување ревизија на ДУП-от во тој предел“, рече претседателот на Советот на општина Карпош од Левица, Бранко Ристов.
„Како резултат на самоволието на Стевчо Јакимовски најавувам дека Левица ќе ги превземе сите институционални и вонинституционални алатки. Пред се ќе поднесеме претставки до сите надлежни институции вклучувајќи го и Обвинителството. Но, ја најавувам и спремноста на нашите членови да застанат во жив ѕид во одбрана на Карпош од дивеењето на урбанистичката мафија.
Оттука ги повикуваме и останатите политички чинители кои декларативно се против ова бетонско чудовиште наместо да спинуваат во јавноста да се приклучат во борбата“, изјави Ристов.
Текстот (Видео) Ристов: Левица со жив ѕид ќе ги брани интересите на карпошани од самоволието на Jакимовски е превземен од МАКФАКС.
