Словенечкиот кошаркар Клемен Препелич би можел да стане нов играч на Цедевита Олимпија, пренесува „Баскетњуз“. Како што се наведува, Препелич е блиску до доовор со клубот од Љубљана.
Препелич остави добар впечаток на неодамнешниот Мундобаксет, каде беше втор стрелец на Словенија, веднаш зад Лука Дончиќ, со просек од 14 поени, 3,1 скока и 2,4 асистенции за 20,5 минути по натпревар.
Последниот клуб за кој играше Препелич беше Валенсија, каде во сезоната 2022/23 во Евролигата имаше просек од 7,1 поен и 3,1 асистенции на 19 минути.
Од завршувањето на сеозната е без клуб. Во досегашната кариера Препелиќч настапуваше за Браник, Хелиос, Олимпија, Банвит, Олденбург, Лимож, Левалоа, Реал Мадрид, Хувентуд и Валенсија.
Текстот „Бомба“ во АБА лигата – Препелиќ во Цедевита Олимпија е превземен од МАКФАКС.
