Баерн итно бара замена стопер, а еден од главните кандидати за доаѓање е Сократис Папастатопулос (35). Грчкиот стопер моментално е без клуб, откако си замина од Олимпијакос. Баерн поради повреда остана без стандардниот играч Дајот Упамекано, па клубот е принуден да бара брзи решенија. Преодниот рок е затворен до почетокот на јануари, но клубовите можат да донесат играчи без договор.
Сократис во својата кариера настапуваше за АЕК, Ники Волос, Џенова, Милан, Вердер, Борусија Дортмунд и Арсенал, а за Грција постигна три гола на 90 настапи. Во Баерн би дошол бесплатно бидејќи моментално е без договор. Баерн претходно не успеа да го трансферира Џером Боатенг, кој исто така требаше да дојде бесплатно. Но, поради незадоволството на навивачите, тој трансфер беше прекинат.
Текстот Баерн изненадува со трансфер надвор од преодниот рок е превземен од МАКФАКС.
